२० मङ्सिर २०७९ काठमाडौँ । जबसम्म तिमीले समान अवसर, स्वतन्त्रता र सामाजिक न्याय हासिल गर्न सक्दैनौं, कथित ‘लोकतन्त्र’ले जुनसुकै हकअधिकार दिएपनि त्यो तिम्रो लागि कुनै कामको हुँदैन ।” यो भनाइ हो भारतका प्रसिद्ध विद्वान, संविधान निर्माता डा. भिमराव अम्बेडकर को । भारतीय समाजमा हरेक जाति, वर्ग र समुदायमा प्रिय रहेका डा. अम्बेडकर विश्वकै सबैभन्दा ठूलो संघीय लोकतान्त्रिक गणतन्त्रात्मक देश भारतका संविधान निर्माता हुन् । अहिले भारत जुन विकास, उन्नति र समृद्धिको सपनासहित माहाशक्ति राष्ट्रको रुपमा उदय हुँदैछ, त्यो डा. अम्बेडकरद्वारा लिखित संविधानको जग र बलमा मात्र सम्भव छ ।
आफ्ना क्रान्तिकारी सुधारवादी विचारका आधारमा विश्वभर परिचित डा आम्बेडकर नव भारतकाे निर्माणमा भुमिका खेल्ने एक एतिहासिक एवम सम्मानित राजनेता थिए । उनलाई कुशल अर्थशास्त्री, राजनीतिज्ञ र समाजसुधारकको रूपमा भारत बाहिर पनि स्मरण गर्ने गरिएको छ ।
आज ६ डिसेम्बर २०२२ का दिन डा आम्बेडकर ले देहत्याग गरेको ६५ बर्ष बितेको छ । सन १९५६ मा आजै का दिन उनको परिनिर्बाण भएको थियो । यहि सन्दर्भमा राजधानि काठमाडौंमा आज राष्ट्रिय एकता अभियानले, डा आम्बेडकर को स्मरणमा एक कार्यक्रमको आयोजना गरेको छ ।
आम्बेडकरको विचार र सिधान्तको गलत व्याख्यान भइरहेको भन्दै उनको स्वतन्त्रता, समानता र समावेशी सिधान्त को आधारमै सामाजिक सद्भाव कायम हुन सक्ने कथन कार्यक्रमका वक्ताहरूको थियो ।
सनातन धर्म भित्रको विकृति र विसङ्गति बिरुद्ध अभियान चलाएर धर्म र संस्कृतिको स्वच्छतामा योगदान दिएका डा आम्बेडकर लाई एक श्रेष्ठ मानवतावादी नेताको रुपमा स्मरण गर्दै आभियान का अध्यक्ष विनय यादवले सनातन धर्मको सबलता का लागि जातीय छुवाछूत लाई गम्भिर समस्याको रुपमा इगिंत गरेका छन् ।
छुवाछुत र भेदभाव सनातन धर्मको हिस्सा नरहेको यादवको भनाई थियो । र सामाजिक न्यायका लागि लड़ेका डा अम्बेडकर हाम्रा लागि प्रेरणा स्रोत रहेको उनको कथन थियो । आम्बेडकर को विचारलाई अपव्याख्यान गरेर केही समाज बिरोधी तत्वहरूले सनातन हिन्दू धर्म बिरुद्ध षड्यन्त्र गरिरहेको भनि त्यस्ताको प्रतिकार गर्नु नै अभियानको मुल उद्देश्य रहेको अध्यक्ष यादवले बताए ।
कार्यक्रमका प्रमुख अतिथि रहेका मधेशी आयोग की माननीय सदस्य श्रीमती रेणु साहले राष्ट्रिय एकता अभियानको खुलेर प्रशंसा गरेकी छन् । राष्ट्रियता र मौलिक पहिचानका लागि लडिरहेका अभियान लाई नैतिक समर्थन र सहयोग रहने बताएकी छिन् ।
कार्यक्रममा अभियान का केंद्रीय सदस्य चन्द्र यदुवंशी,मिना देवी साह, युवा अभियंता राजीव देव, अभियान निकट विधार्थी परिषद का पप्पू यादव लगायत ले मनतव्य राखेका थिए, कार्यक्रम संचालन सूरज रेगमी ले गरेका थिए ।
