काठमाडौं। यातायात व्यवस्था कार्यालयले चितवनबाटै लाइन्सेन्स व्यवस्था वितरण सुरु गर्ने भएको छ। कार्यालयले आगामी आइतबारदेखि लाइसेन्सको अनलाइन फाराम भर्नेगरी तयारी गरेको हो ।
दैनिक पाँच सय जनाको लाइसेन्स परीक्षा लिने गरी बागमती प्रदेशको श्रम, रोजगार तथा यातायात मन्त्रालयबाट पनि कार्यालयले अनुमति लिइसकेको छ । कार्यालयका प्रमुख कालिप्रसाद भुजेलले अनलाइन फाराम भर्नका लागि युजरनेम र पासवर्ड सङ्घीय सरकारको यातायात व्यवस्था विभागबाट अनुमति आएपछि आइतबारदेखि फाराम खोल्न सकिने जानकारी दिए ।
एक साताको फाराम भर्ने समय राखिने छ । हाल यस कार्यालय भरतपुर विमानस्थल अगाडि रहेको छ । अब भने जिल्ला समन्वय समिति अगाडि रहेको गेष्ट हाउस भवनबाट सेवा दिने तयारी कार्यालयको छ ।
