राजविराज । सप्तरीको बोदेबर्साईन नगरपालिका –३ मधुवनको परिवर्तित नाम काजल – १५ लाई जबरजस्ती करणीको प्रयास गर्ने युवा स्थानियवाट कुटिएका छन ।
जिल्ला प्रहरी कार्यालय सप्तरीले दिएको जानकारी अनुसार घटना भएको स्थान भन्दा फरक ठाउँमा युवतीका अभिभावक तथा स्थानियहरुले केटीलाई दुव्र्यवहार गर्ने केटालाई कुटपिट गरेको छ ।
पिडित काजल –१५ का अनुसार ः विहिवार दिउँसो करिब २ बजे आफ्नै खेतमा घाँस काटिरहेको बेला स्थानीय संजित यादवले पछाडिबाट आफ्नो भिडियो बनाइरहँदा मेरो भिडियो किन बनाएको भनेर सोधेपछि संजितले जबर्जस्ती मेरो हात समाएर खेतमा उतानो लडाई लछारपछार गर्दै मसँग जबर्जस्ती गर्न खोजेपछि मैले चिच्याउँदा नजिकै भैंसी चराउदै गरेका दुई चार जना दौडेर आएपछि संजित भागेका थिए ।
काजलका अनुसार बेलुका घरको दलानमा मूर्ति कुरेर बसिरहँदा संजित उनका साथी सचिदानन्द यादव , शैलेन्द्र यादव सहित आएर घरबाट जर्वजस्ती उठाएर लग्न खोजेपछि मेरो घर परिवारले आएर मलाई बचाउने क्रममा एकजनालाई बचाउने समुहले कुटपिट समेत गरेको छ ।
यसैबीच उक्त घटनामा आफ्नो छोरीमाथि जबर्जस्ती करणीको प्रयास गरेको भन्दै बालिकाकी काकी परिवर्तित नाम सुगा देवीले ईलाका प्रहरी कार्यालय कडरबोनामा निवेदन दिन जादा त्यहाँका प्रहरीले सुगालाई उल्टै पक्राउ गरी थुनामा राखेको पीडित बालिकाले बताईन । कुटपिट गरेको भनेर कविता विरुद्ध प्रहरीमा जाहेरी आएकोले कवितालाई शुक्रवार पक्राउ गरी थुनामा राखी आईतबार अदालतबाट म्याद थप समेत गरिसकिएको सप्तरी प्रहरीले जनाएको छ ।
यता बालिकालाई जिस्क्याउने र जबरजस्ती करणीको प्रयासमा संलग्न युवकहरुलाई अहिलेसम्म पक्राउ गरिएको छैन ।
जिल्ला प्रहरी कार्यालय सप्तरीका प्रमुख एसपि नरेन्द्र कार्कीले केटाले बालिकालाई जिस्क्याएर गल्ती गरेका हुन् भन्ने पिडित पक्ष भनिएकाले कानूनलाई हातमा लिंदै केटालाई कुटपिट गरेर थप गल्ती गरेकोले दुबै पक्षको उजुरी लिई कार्यवाही प्रक्रिया अगाडि बढाउने बताए ।
